Kuvendi fut në axhendë draftet kundër politikanëve të lidhur me ish-Sigurimin

Kuvendi ka futur për votim në seancën plenare të 13 korrikut dy projektligje të iniciuara nga Partia Socialiste që kanë të bëjnë me verifikimin e figurës së politikanëve në lidhje me të shkuarën e tyre në komunizëm.

Për votim janë futur projektligjet që parashikojnë ndryshime në ligjin ‘Për garantimin e integritetit të personave që zgjidhen, emërohen ose ushtrojnë funksione publike’, i njohur si ligji i dekriminalizimit, si dhe Projektligj “Për disa ndryshime në ligjin nr.8580, datë 17.02.2000 “Për partitë politike”, të ndryshuar.

Në projektligjin e parë parashikohet heqja e mandatit të deputetit për personat që verifikohen nga Autoriteti për Informim mbi Dokumentet e ish-Sigurimit të Shtetit, AIDSSH, se kanë qenë bashkëpunëtorë të ish-Sigurimit famëkeq dhe në rastin e dytë, këtyre personave u ndalohet të jenë kryetarë të një partie politike.

Qeverisja 10 vjeçare e PS, Ndreu: S’mund të pretendohet perfeksion! Me rendin duhet të kishte patur më shumë kujdes! Politika ta lërë policinë të punojë.

Ishte Partia Socialiste ajo e cila dorëzoi vitin që shkoi në Kuvend dy projektligjet, AIDSSH njoftoi Kuvendin se një email anonim kishte hedhur dyshime se një politikan i lartë me inicialet I.M kishte qenë bashkëpunëtor i ish-Sigurimit.

Autoriteti i Dosjeve kërkoi në atë kohë të drejtën për të riverifikuar figurat e zyrtarëve të lartë që kishin marrë “certifikatë pastërtie” nga dy komisione të ngritura në vitet pas rënies së komunizmit, “Mezini” dhe “Bezhani”. Vetë ish-presidenti Ilir Meta, i hodhi poshtë akuzat dhe e cilësoi iniciativën si një sulm politik, , duke hapur një betejë ligjore me AIDSSH-së.