Kryetarja e Kuvendit, Lindita Nikolla, takohet me homologen Vjosa Osmani
Kryetarja e Kuvendit, znj. Lindita Nikolla, priti sot Presidenten e Kosovës, znj. Vjosa Osmani, e cila po zhvillon një vizitë zyrtare në Shqipëri.
Në takim ishin të pranishëm edhe z. Bledi Çuçi, Kryetar i Grupit Parlamentar të PS, z. Gazment Bardhi, Kryetar i Grupit Parlamentar të PD, z. Fatmir Mediu, Kryetar i Grupit Parlamentar “Aleanca për Ndryshim”, Ambasadori i Shqipërisë në Kosovë, z. Qemal Minxhozi dhe Ambasadori i Kosovës në Shqipëri, z.Skënder Durmishi.
Kryetarja Nikolla nënvizoi se Kosova është një prioritet kombëtar i Shqipërisë dhe bashkëpunimi Shqipëri-Kosovë është strategjik, me rol unik për stabilitetin, sigurinë, zhvillimin dhe perspektivën euroatlantike të rajonit. Intensifikimi i bashkëpunimit mes Kuvendit të Shqipërisë dhe Kuvendit të Kosovës po kontribuon në përshpejtimin e integrimit të të dy vendeve në BE, të Kosovës në NATO dhe përfaqësimit të saj në organizatat ndërkombëtare.