Kreu i Hamasit: Izraeli kurrë nuk do i rimarrë pengjet e tij nëse nuk liron të burgosurit tanë në burgjet e tyre
Izraeli “kurrë nuk do të jetë në gjendje të rimarrë të gjithë pengjet e tij” të mbajtur në Gaza “nëse nuk liron të gjithë të burgosurit tanë në burgjet e tij”.
Këtë e përsëriti kreu i Byrosë Politike të Hamasit, Ismail Haniyeh , gjatë një fjalimi në konferencën e Unionit Ndërkombëtar të Dijetarëve Myslimanë që po zhvillohet në Doha. Haniyeh pretendoi se sulmi i 7 tetorit ishte pasojë e “përpjekjeve për të margjinalizuar çështjen palestineze”.
Sipas kreut të Byrosë Politike të Hamasit, “megjithë çmimin e lartë, masakrat dhe luftën e shfarosjes, armiku nuk ka arritur të arrijë asnjë nga objektivat e tij në luftë”, që janë “eliminimi i fraksioneve të rezistencës, rimëkëmbjen e pengjeve dhe zhvendosjen e palestinezëve nga Gaza drejt territorit egjiptian”.