Replika Lajme
Related Articles
Komisioni Qëndror i Zgjedhjeve ka regjistruar 11 parti politike për zgjedhjet e 4 gushtit në Bashkinë Himarë
Kryekomisioneri Ilirjan Celibashi ka thënë se të gjitha këto subjekte politike kanë paraqitur të plotë gjithë dokumentacionin e nevojshëm.
“Meqënëse i gjithë dokumentacioni i paraqitur nga të gjitha partitë aplikuese për t’u regjistruar si subjekt zgjedhor për zgjedhjet e Bashkisë Himarë është i plotë, miratojmë regjistrimin si subjekt zgjedhor të PS me kryetar Edi Ramën, të PDK me kryetar Nard Ndokën, të PR me kryetar Fatmir Mediun, të FRD me kryetar Sali Shehun, PBDNj me kryetar Vangjel Dule, PL me kryetar Ilir Metaj, PBK me kryetar Adriatik Alimadhi, PD me drejtues komitetin nismëtar të përfaqësuar nga Sali Berisha, PAA me kryetar Agron Dukën, PBKD me kryetar Artur Roshin dhe PBD me kryetar Biber Valtedi”, ka thënë kryekomisioneri Celibashi.
Kujtojmë se në zgjedhjet e 4 gushtit PS do të përfaqësohet me kandidatin Vangjel Tavo, ndërsa koalicioni opozitar ‘Bashkë Fitojmë’ me kandidatin Petro Gjikuria.
