Mblidhet për herë të parë Komisioni Antikorrupsion, opozita bojkoton mbledhjen


Sot konstituohet Komisioni Antikorrupsion, ndërsa opozita ka bojkotuar mbledhjen.

“Ky komision ka një mision të rëndësishëm kombëtar, ky mision është i lidhur me përgjegjësitë që Kuvendi ka ngarkuar për të kontribuar në kurorëzimin e Shqipërisë drejt integrimit evropian nëpërmjet mirëqeverisjes, sundimit të ligjit dhe luftës kundër korrupsionit. Jam këtu për tju garantuar se komisioni do të ketë mbështetjen e kuvendit. Komisioni nuk ka asnjë ngarkesë politike në këtë ngarkim duke qenë se ky komision ka gjithëpërfshirje, shpreh keqardhje që kolegët e opozitës nuk janë prezente”, tha Nikolla.

Grupi parlamentar i PD, dy javë më parë e bojkotoi votimin e  ngritjes të këtij komisioni me një mandat 10 mujor, ku në përbërje janë 6 deputetë socialistë dhe 5 nga opozita.

Ky komision do të drejtohet nga Fatmir Xhafaj me anëtarët socialistë Klotida Bushka, Eduard Shalsi, Etilda Gjonaj, Evis Kushi dhe Toni Gogu.

Ndërkohë që opozita e bojkoti votimin e ngritjes të këtij komisioni shumica socialiste caktoi të jenë anëtarë Jorida Tabaku, Dhurata Tyli Çupi, Sorina Koti, Flutura Açka dhe një vend bosh për nënkryetarin e komisionit.

Burime nga grupi parlamentar i PD i thanë Top Channel se tashmë do të jetë Sali Berisha ai që do të vendosë në mënyrë përfundimtare për pjesëmarrjen në këtë komision.

Check Also

Çfarë po ndodh sot me monedhat e huaja? Ja me sa po blihen dhe shiten dollari dhe euro

Sot, më 13 korrik 2024, dollari amerikan blihet me 91.4 lekë dhe shitet me 92.7 lekë. Euro blihet me …

Leave a Reply

Your email address will not be published. Required fields are marked *