Konflikti për pronat në Kepin e Rodonit, reagon Provinca Françeskane
Provinca Françeskane ka reaguar lidhur me konfliktin e ndodhur në Kepin e Rodonit të dielën, i cili degradoi në përplasje fizike dhe përdorim armësh.
Provinca Françeskane në deklaratën publike thekson se pronësinë e territorit e kanë përfituar në vitin 2008 dhe se nuk ka pasur konflikt me asnjë person.
Përfaqësues të kishës katolike françeskane kanë qenë duke rrethuar këtë pjesë toke për të kufizuar pronën e tyre të cilën e kanë me certifikatë pronësie. Por pronësinë e saj e pretendojnë dhe banorë të zonës. Familja Kaculi ka një tjetër certifikatë pronësie dhe pretendon se e ka fituar atë përmes ligjit 7501. Të dyja palët u përfshinë në një konflikt fizik mes të cilëve dhe ish-deputeti Mark Frroku, po vendosnin gardhin për të rrethuar pronën e tyre.