Kishte ardhur për pushime me shoqërinë në Dhërmi, humb jetën 20-vjeçari nga Kosova! Ja për çfarë dyshohet
Një ngjarje e rëndë është shënuar në Dhërmi, ku një 20-vjeçar nga Kosova ka humbur jetën teksa ndodhej me pushime bashkë me shoqërinë e tij.
Viktima, A. H., dyshohet se ka ndërruar jetë për shkaqe natyrale pranë një fushe volejbolli në zonën e plazhit.
Njoftimi i Policisë
Specialistët e Stacionit të Policisë Dhërmi referuan materiale për vlerësim, pasi më datë 14.07.2025, pranë një plazhi në Dhërmi, në fushën e volejbollit, dyshohet se ka humbur jetën për shkaqe natyrale shtetasi A. H., 20 vjeç, banues në Kosovë, i cili ndodhej me pushime së bashku me shoqërinë e tij.
Autopsia mjekoligjore do të kryhet pranë Institutit të Mjekësisë Ligjore, Tiranë, për përcaktimin e saktë të shkakut të vdekjes.
Materialet iu referuan Prokurorisë, për veprime të mëtejshme procedurale.