Kinezi humbet kontrollin e mjetit në Vlorë, përfundon në spital bashkë me pasagjeren 61-vjeçaren
Aksident automobilistik në aksin Peshkëpi-Vlorë.
I përfshirë në këtë ngjarje është një automjet tip “Volkswagen”, i drejtuar nga një shtetas kinez.
NJOFTIMI I POLICISË:
Rreth orës 19:20, në aksin rrugor Peshkëpi-Vlorë, shtetasi i huaj me nënshtetësi kineze, H. R., 31 vjeç, duke drejtuar automjetin tip “Volkswagen”, dyshohet se ka humbur kontrollin mbi drejtimin e automjetit dhe ka dalë nga rruga.
Si pasojë, janë dëmtuar drejtuesi i automjetit dhe pasagjerja, shtetasja e huaj K. Zh., 61 vjeçe, të cilët ndodhen në spital nën kujdesin e mjekëve.
Grupi hetimor po punon për sqarimin e plotë të rrethanave të aksidentit.