“Kambanat e historisë sonë po bien sërish”- Rihapja e katedrales “Notre Dame”, Macron: Zbuluam atë që kombet e mëdha mund të bëjnë, të arrijnë të pamundurën
Presidenti francez, Emmanuel Macron, në fjalën e tij në cerëmonin për rihapjen e Katedrales Notre-Dame, shprehu mirënjohjen e tij për të gjithë ata që shpëtuan dhe ndihmuan në rindërtimin e monumentit ikonë.
Ceremonia madhështore, e ndjekur nga presidenti i zgjedhur i SHBA-së, Donald Trump, presidenti ukrainas, Volodymyr Zelensky dhe dhjëtera liderë të tjerë në botë, shënoi ringjalljen historike të katedrales pasi u shkatërrua në një zjarr të vitit 2019.
Macron tha se ne kemi rizbuluar atë që kombet e mëdha mund të bëjnë, të arrijnë të pamundurën.
“Ne duhet ta vlerësojmë si thesar këtë mësim brishtësie, përulësie dhe vullneti dhe të mos harrojmë kurrë se sa shumë ka çdo person dhe se si madhështia e kësaj katedrale është e pandashme nga puna e të gjithëve”, tha Macron në ceremoninë e rihapjes.
Por, pas rihapjes së katedrales “Notre-Dame”, të parët që u falenderuan brenda saj, ishin zjarrfikësit të cilët luftuan me flakët që përfshinë katedralen 5 vite më parë, duke minimizuar kështu dëmet.
Qindra të ftuar, duartrokitën për 5 minuta zjarrfikësit që bënë një punë vetëmohuese për shpëtimin e katedrales mbi 800-vjeçare.
Macron e mbylli fjalimin e tij duke thënë “rroftë Notre-Dame” dhe rroftë republika franceze.