“Jemi në ankth prej 8 ditësh” – Nëna e një fëmije të helmuar me salmonelë në Gramsh kërkon siguri ushqimore
Pas shpërthimit të infektimit me salmonelë në kopshtin publik në Gramsh, një nga prindërit e fëmijëve të prekur ka reaguar publikisht gjatë protestës së zhvilluar para Bashkisë.
Nëna e një djali të helmuar me bakterin Salmonella Enteritidis, rrëfeu se prej 8 ditësh familja e saj ndodhet në gjendje ankthi dhe shoku.
Ajo kërkon garantimin e sigurisë ushqimore për fëmijët, veçanërisht në institucionet publike.
Nëna e fëmijës: Është i konfirmuar me salmonelë. Njoftimin e mora nga edukatorja e kopshtit të hënën. Sot po bëhen 8 ditë që vazhdon me dhimbje barku, stomaku, diarre. Temperature i zgjati 3-4 ditë.
Për dezinfektime kam marrë vesh që janë bërë në kopesh dhe në spital.
Ne jemi të kujdesshëm. Në fillim nuk e dinim dhe doktoresha më dha diagnozë për virozë të stinës, të enjten mora vesh që ka dalë me salmonelë.
Si familje po bëjmë 8 ditë që jemi në gjendje ankthi, shoku dhe jemi goxha të trembur.
Kërkoj që të paktën te fëmija im, kërkoj siguri, të paktën për ushqimin që konsumon.