Iu bë atentat teksa dilte nga xhamia, kush është Luan Tërnova vëllai i të ‘fortit’ të Bulqizës?
Luan Tërnova ishte shënjestra e atentatit të sotëm në Bulqizë.
Ka qenë vetë Tërnova, ai që ka bërë denoncimin në policinë e Bulqizës për atentat ndaj tij. Në polici ka deklaruar se kanë qëlluar në drejtim në tij, teksa po dilte nga xhamia pas faljes së namazit.
Luan Tërnova nuk është emër i panjohur për autoritetet policore në vend.
Ai është arrestuar në vitin 2016 së bashku me nënën e tij për armëmbajtje pa leje. Sipas policisë Ternova ka qenë i dënuar më parë për vjedhje banesash në Francë dhe pasi kishte dalë nga burgu ishte deportuar në Shqipëri. Luan Tërnova është dhe vëllai i Fadil Ternovas, i njohur si i forti i Bulqizës me histori të ngjashme kriminale.
Fadil Tërnova, tashmë 34-vjeçari i shpallur në kërkim që prej vitit 2019 nga drejtësia shqiptare është vënë në pranga ditën e sotme. 32-vjeçari u arrestua në banesën e tij në Bulqizë.
Sipas njoftimit zyrtar të policisë, forcat RENEA kanë zbarkuar mëngjesin e sotëm në Bulëizë, pas informacioneve se ‘i forti i Bulqizës’ fshihej poshtë një dhome në banesën e tij, ku kishte krijuar një bodrum dhe organizoi operacionin “Fundi i arratisë”.
Edhe pse Tërnova ishte siguruar që pllakat e dyhemesë të mbulonin bodrumin që ksihte krijuar, forcat RENA e zbuluan atë. Brenda dhomës së fshehtë u gjetën dhe sekuestruan edhe një armë zjarri pistoletë tip “Glock” që Tërnova e mbante pa leje dhe fishekë luftarak.
Kush ishte Fadil Tërnova?
Ai konsiderohej si një prej të fortëve të Bulëizës, që prej vrasjes që ndodhi në viitn 2009, ku u përfshi edhe vetë Tërnova. Ky i fundit ka pasur një komflikt të vjetër me familjen Shehu, një prej djemve të së cilës njihej si një biznesmen i fuqishëm i kromit në zonë.
kështu, në vitin 2009, Vëllezërit Shehu tentuan të vrisnin Fadil Ternovën, po nga kjo përleshje mbeti i vrarë Shefqet Shehu dhe u plagos rëndë Fadil Ternova. Ky i fundit pnë vitin 2017 ra pre e një atentati ku shpëtoi pa u prekur nga plumbat.
Ai e dinte se personi që e sulmoi me armë zjarri ishte djali i vogël i familjes Shehu dhe katër ditë pas atentatit i doli para atij dhe e kërcënoi. Më pas Ternova u shpall në kërkim, dhe nga arratia deklaroi se nuk dorëzohej, pasi nuk kishte besim te kdrejtësia shqiptare.
Veprat penale që rëndojnë më Ternovën:
“Përndjekja”, “Kanosja”, “Mosbindje ndaj urdhrit të punonjësit të rendit publik’’ dhe “Shkatërrim i pronës’’.“Heqja e paligjshme e lirisë”, “Kanosje për të mos kallëzuar krimin” “Armëmbajtja pa leje”, dhe “Shtrëngim për dhënie pasurie”.
Për këto vepra penale, Gjykata e Shkalles së Parë Dibër i ka caktuar këtij shtetasi masën e sigurisë “Arrest në burg”. Shtetasi Fadil Tërnova është person me rrezikshmëri të theksuar kriminale. I dënuar për vrasjen e shtetasit Sh. Sh., në vitin 2013, në qytetin e Bulqizës, i arrestuar e dënuar më parë për veprën penale “Armëmbajtja pa leje”, si dhe i proceduar disa herë për vepra të ndryshme penale kundër personit si “Përndjekja”, “Kanosja”, “Mosbindje ndaj urdhrit të punonjësit të rendit publik’’ dhe “Shkatërrim i pronës’’.