Ish-presidenti i Kosovës, Hashim Thaçi ka arritur sot në Kosovë.
Ai erdhi në Kosovë për shkak të gjendjes shëndetësore të rënduar të babait të tij. Gjykata Speciale ka miratuar kërkesën e mbrojtjes së Thaçit për lirimin e tij të përkohshëm në Kosovë për një ditë për vizitë humanitare.
Thaçi ka mbërritur në ambientet e Qendrës Klinike dhe Universitare të Kosovës, konkretisht në Klinikën e Kardiologjisë ku është duke u trajtuar babai i tij. Në oborrin e QKUK-së janë parë edhe forca të shtuara të policisë.
Më 14 shkurt 2025, Hashim Thaçi bëri kërkesën e katërt në Gjykatën Speciale për ta vizituar babanë në gjendje të rënduar shëndetësore.
Tags:
hashim thaci
Regjistrohu në buletinin tonë informativ