I dërguari i Putinit mbërrin në Uashington për bisedime me administratën Trump: Dialogu u shkatërrua në kohën e Biden
Kirill Dmitriev, i dërguari ekonomik i presidentit rus Vladimir Putin, ka mbërritur në Uashington për të zhvilluar bisedime me zyrtarë të administratës Trump. Ky është vizita e parë e një zyrtari të lartë rus në SHBA që nga përshkallëzimi i konfliktit të Ukrainës në shkurt 2022. Udhëtimi vjen si pjesë e përpjekjeve të vazhdueshme mes Kremlinit dhe Shtëpisë së Bardhë për të gjetur një zgjidhje diplomatike për situatën.
Në një postim në Telegram, Dmitriev konfirmoi se kishte zhvilluar takime me përfaqësues të administratës Trump dhe theksoi se “dialogu midis Rusisë dhe SHBA-së është shkatërruar plotësisht nën administratën e Biden”. Ai shtoi se “forca të shumta” po luftojnë për të penguar përpjekjet për normalizimin e marrëdhënieve mes dy vendeve.
Dmitriev theksoi se një “mirëkuptim real” i pozicionit rus nga SHBA mund të hapë mundësi të reja për bashkëpunim në fushat e ekonomisë dhe investimeve. Ai gjithashtu pranoi se rivendosja e dialogut është një proces i vështirë, por ecuria përpara është e mundur me takime të sinqerta.