“Hetim administrativ për skandalin te Onkologjiku” Ministrja e Shëndetësisë: Dikush që trajton jetën njerëzore si mall në treg…
Pas mbledhjes së Këshillit të Ministave, Ministristrja e Shëndetësisë Albana Koçiu në një deklaratë për mediat, ka deklaruar se ka nisur hetim administrativ në lidhje me skandalin tek Onkologjiku.
“Dua të bëj edhe njëherë të qartë, që korrupsioni është vija e kuqe ndarëse mes interesit publik dhe kujdo që i shkon mendja të bëjë veprime të tilla të turpshme. Kemi nisur një hetim administrativ krahas hetimit nga Prokuroria, që shpresojmë të ndëshkojë të gjithë ata që kanë bërë këtë shkelje. Hetimi administrativ që kemi nisur me strukturat e brendshme, do të jetë një hetim që do të trajtojë shumë aspekte, çështjet e organizimit dhe punës në këtë shërbim.
Dikush që trajton jetën njerëzore si mall në tregun e shumicës, s’mund të tolerohet. Do të iniciojmë ndryshime ligjiore, në Urdhrin e Mjekut, që ndëshkon këdo që nuk kryen detyrën në mënyrë profesionale, me integritet. Hetimi do të bëjë një ridimensionim të Onkologjikut”, tha ajo.