Hajduti 22-vjeçar vret drejtuesen e American Idol dhe bashkëshortin e saj

Robin Kaye dhe bashkëshorti i saj, muzikanti Thomas Deluca u gjendën të vdekur në shtëpinë e tyre në Encino, ndërsa autoritetet po e hetojnë si një vrasje të dyfishtë.

Oficerët thanë se gjetën gjak jashtë shtëpisë së çiftit me vlerë 4.5 milionë dollarë.

Brenda, policia zbuloi trupat e Kaye dhe Deluca, në dhoma të ndara, me plagë nga armë zjarri, raporton NBC Los Angeles, duke cituar deklaratat e policisë.

Policia iu përgjigj raportimeve për një vjedhje me thyerje në shtëpinë e Encino, por tha në një njoftim për shtyp se nuk kishte “shenja hyrjeje me forcë apo probleme”.

Policia shtoi se kishte arrestuar një të dyshuar në lidhje me vdekjet e çiftit. Më 10 korrik, thanë oficerët, 22-vjeçari Raymond Boodarian dyshohet se u përpoq të vjedhte shtëpinë e çiftit, pastaj qëlloi dhe vrau Kaye dhe Deluca kur çifti hyri tek ai, raporton Associated Press.

Një zëdhënës i American Idol konfirmoi vdekjen e çiftit në një deklaratë për AP dhe shtoi: “Robin ka qenë një gur themeli i familjes Idol që nga viti 2009 dhe ishte vërtet e dashur dhe e respektuar nga të gjithë ata që ranë në kontakt me të.”

“Robin do të mbetet në zemrat tona përgjithmonë dhe ne ndajmë ngushëllimet tona më të thella me familjen dhe miqtë e saj gjatë kësaj kohe të vështirë”, tha zëdhënësi i Idol.

Kaye dhe Deluca, të dy 70 vjeç, ishin aktivë në skenën muzikore të Los Angeles. Kaye punoi si producente muzikore në Idol për 15 sezone, sipas IMDb, si dhe shfaqje të tilla si Buffy the Vampire Slayer, Miss Universe dhe The Singing Bee. Burri i saj, Deluca, kishte punuar si këngëtar, duke regjistruar albumet e tij Down to the Wire dhe Street Rock, dhe si kompozitor, duke kompozuar për Kid Rock, Micky Dolenz dhe Diesel.