GOLAT/ Tre fitore radhazi, Chelsea fiton 1-0 kundër Fulham me Brojën në fushë!
Premier League vijon me javën e 21-të. Këtë të shtunë në Londër, Chelsea fitoi 1-0 kundër Fulhamit në derbin e qytetit, ndërsa në orën 18:30 Newcastle pret Manchester Cityn në një ndeshje më shumë se të luftuar.
Në “Stamford Bridge”, Chelsea me Armando Brojën nga minuta e parë siguroi suksesin e tretë radhazi në kampionat. Blutë fituan 1-0 kundër Fulham. Pjesa e parë nisi me lojën në mesin e fushës dhe me skuadrat që nuk po dilnin te rastet konkrete. Duhej minuta e 45+4 që Sterling të fitonte një penallti në zonë, me Palmer që nuk gaboi nga 11 metra dhe me këtë gol i dha vendasve të Pochettinos fitoren e tretë radhazi në kampionat. Armando Broja ishte protagonist në dy raste, por pa mundur ta dërgonte sferën në rrjetë. Në të 66 minutë, sulmuesi i Kombëtares i bëri vend Maduekesë. Me 31 pikë pas kësaj jave, Chelsea pozicionohet në vendin e tetë, teksa Fulham me 24 pikë në vendin e 13-të.
Premier League, java 21:
E shtunë
13:30 Chelsea 1-0 Fulham (Palmer 45+4′ (p))
18:30 Newcastle – Manchester City