Gjyqtarja Elsa Ulliri kërkon dorëheqjen nga dosja “Partizani”? GJKKO: Çdo vendim do komunikohet…
Gjykata e Posaçme kundër Korrupsionit dhe Krimit të Organizuar (GJKKO) ka reaguar zyrtarisht lidhur me raportimet se gjyqtarja Elsa Ulliri ka kërkuar dorëheqjen nga çështja penale “Partizani”, ku të pandehur janë Sali Berisha, Jamarbër Malltezi dhe të tjerë.
Në njoftimin e saj, GJKKO deklaron se çdo informacion zyrtar për një kërkesë dorëheqjeje apo vendimmarrje të mundshme do të komunikohet gjatë seancës së radhës, e cila është caktuar për datën 21 korrik 2025, në orën 10:30.
“Në këtë seancë, trupi gjykues do të relatojë nëse është paraqitur ndonjë kërkesë për dorëheqje nga gjyqtarja si dhe do të komunikohet çdo vendim i marrë nga titullari i gjykatës, në rast se ka një të tillë,” thuhet në reagimin e gjykatës.
Ndërkohë, mësohet se Elsa Ulliri ka paraqitur një kërkesë për dorëheqje te drejtuesi i GJKKO, Erion Bani, prej rreth 10 ditësh. Ajo ka argumentuar se është kushërirë me deputeten demokrate Andia Ulliri, e cila është një prej të pandehurve në këtë çështje.
Njoftimi i plote i GJKKO