Myrto Uzuni është larguar zyrtarisht nga Granada. Sulmuesi i Kombëtares shqiptare i ka dhënë fund aventurës së tij me klubin spanjoll. Beratasi i ka dedikuar një mesazh të gjatë dhe plot emocione klubit ku arriti të shkruaj historinë në tre sezone si pjesë e tyre.
“Them lamtumirë me lot në sy, pas tre vitesh të paharrueshme. Faleminderit shokëve të mi të skuadrës, trajnerëve, shërbimeve. Vajzat në kuzhinë. Njerëz që punojnë shumë dhe nuk dalin në televizion për të ndarë momentet e triumfeve dhe humbjeve që më shënuan përgjithmonë.Më ka munguar Euro 2024 sepse ndjeva peshën e mbështetjes suaj dhe dhashë gjithçka për këtë fanellë. Shpresoj që kjo të jetë një lamtumirë dhe jo një lamtumirë përfundimtare. Derisa këto njerëz nuk do të jenë më në klub, sepse Granada meriton të jetë përgjithmonë në elitë. Zemra ime do të jetë gjithmonë kuq e bardhë”. shkruan Uzuni.
29-vjeçari largohet kështu nga klubi i njohur spanjoll pas 106 ndeshjeve ku arriti të shënojë plot 49 gola e asistuar në 8 të tjerë. Ai kështu u kthye në golashënuesin e huaj më të mirë në histori të klubit. Uzuni është gati për një aventurë të re në SHBA. 29 vjeçari do të nisë një aventurë të re përtej oqeanit me klubin amerikan të MLS, Austin. Sulmuesi shqiptar ka firmosur për 3 vite me të drejtë rinovimi. Uzuni do përfitojë 1.5 mln euro në sezon, pa përfshirë bonuset.
View this post on Instagram