Katër adoleshentë janë proceduar penalisht pasi zhvendosën dhe zbrazën në rrugë koshat e mbetjeve urbane gjatë mesnatës, duke ndotur ambientin dhe prishur qetësinë për banorët e lagjes në Gjirokastër.
Specialistët e Policisë së Gjirokastrës i referuan materialet në Prokurori ku nisi procedimi penal në gjendje të lirë për tre 15-vjeçarë dhe një 17-vjeçar, pasi dje në orët e vona të natës, në lagjen “Granicë”, kanë zhvendosur dhe zbrazur në rrugë koshat e mbetjeve urbane të qytetit, veprim i cili ka shkaktuar ndotjen e ambientit dhe prishjen e qetësisë për banorët përreth.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprime të mëtejshme.
Regjistrohu në buletinin tonë informativ