Policia Federale Gjermane dhe Zyra Federale Kriminale Gjermane (BKA) dhuruan pajisje dhe automjete me vlerë rreth 345 000 euro për Departamentin për Kufirin dhe Migracionin, Departamentin për Sigurinë Publike, Institutin e Policisë Shkencore dhe Departamentin për Policinë Kriminale.
Donacioni përfshiu automjete, jelekë mbrojtës, laptopë, programe, pajisje për leximin e dokumenteve, komplete pajisjesh mbrojtëse, radio komunikimi dhe uniforma taktike.
Ambasadori gjerman Karlfried Bergner konfirmoi vijimin e bashkëpunimit përmes donacioneve, trajnimeve, skuadrave të përbashkëta hetimore dhe operacioneve me impakt ndërshtetëror, ndërsa Drejtori i Përgjithshëm Ilir Proda shprehu mirënjohje dhe garantoi angazhimin për intensifikimin e këtij bashkëpunimi.