Është rradha e yjeve të kinematografisë italianë të nderohen me një yll në The Hollywood walk of Fame. Dhe këtë herë është aktori Giancarlo Giannini i nominuar për cmimet Oskar, i cili ka luajtur në filmat e suksesshëm të Hollivudit, duke përfshirë filmat “Hannibal” ,”Casino Royale” dhe “Quantum of Solace”.
Ai ia kushtoi këtë arritje regjisores së ndjerë italiane, Lina Wertmuller, me të cilin Giannini bashkëpunoi për një kohë të gjatë.
“Këtë yll ia dedikoj një regjisore të madhe të quajtur Lina Ëertmuller, me të cilën kam bërë shumë filma. Ajo me formoi mua si aktor. Dhe kjo është arsyeja pse jam këtu sot”- u shpreh ai.
Giannini është i njohur në Itali edhe për dublimin e yjeve ndërkombëtarë në filmat e transmetuar në Itali, duke përfshirë Jack Nicholson, Al Pacino, Michael Douglas, Dustin Hoffman, dhe Gerard Depardieu.
Ai lindi më 1 gusht 1942 në La Spezia të Italisë. Për 10 vjet jetoi dhe studioi në Napoli, ku u diplomua për elektronikë. Në moshën 18-vjeçare, ai doli për herë të parë në skenë si aktor. Rrjedhshmëria e Gianninit në gjuhën angleze dhe jo vetëm i kanë sjellë atij një sërë rolesh dytësore në prodhimet e Hollivudit.