Gëzim Spahiu, një kampion i ri i luftës kundër korrupsionit dhe krimit

Nga Adriatik Doçi

Gëzim Spahiu, një djalosh 27-vjeçar nga Tirana, përfundoi Shkollën e Magjistraturës dhe u emërua në vitin 2020 prokuror në Prokurorinë e Shkodrës, prokurori e cila (siç edhe konformohen në dosjen Metamorfoza), kontrollohej pjesërisht nga ndërmarrja kriminale Pëllumb Gjoka dhe Bajrat.

Përpos kapjes së disa prokurorëve dhe gjyqtarëve, Pëllumb Gjoka dhe Behar Bajri komandonin policinë e Shkodrës, madje përdornin drejtuesit e policisë si ushtarë për të përgjuar dhe lokalizuar kundërshtarët e tyre, për të mbuluar krime, nisur apo sabotuar hetime, dekonspiruar aksione policore etj.

Praktikisht, policia dhe pjesërisht prokuroria e Shkodrës ishin pjesë e sindikatës kriminale Gjoka-Bajri.

Magjistratit të ri Gëzim Spahiut i ra një barrë e rëndë: Të hetonte grabitjen e pronave në Velipojë nga Pëllumb Gjoka, i cili ndërkohë organizonte bashkë me Behar Bajrin vrasjen e personave të ndryshëm nga Shkodra deri në Tiranë, të cilët i konsideronin kundërshtarë.

Rreth 400 dynym tokë në Velipojë ishin përvetësuar nga Pëllumb Gjoka me letra false.

Nga rikuperimi i bisedave krijohet një panoramë e qartë. Prokurori i ri Gëzim Spahiu është mes ujqërve të krimit dhe korrupsionit.

Magjistrati sabotohet nga kolegët e korruptuar nga Pëllumb Gjoka, sidomos nga prokurori Xhevahir Lita, i cili raporton Gjokës çdo veprim hetimor që ndërmerr kolegu i ri Gëzim Spahiu për dosjen e pronave në Velipojë.

Pëllumb Gjoka informohej se cili do merrej në pyetje, se çfarë ekpertimi do bëhej, kush do t’a bënte etj.

Jo vetëm kaq. Kolegët e Gëzim Spahiut instruktonin Pëllumb Gjokën se çfarë veprimesh duhet të ndërmerrte, çfarë duhet të thonin dëshmitarët, si duhet t’ju përgjigjej pyetjeve etj.

Kolegët e vjetër të korruptuar shanin dhe përgojonin pas shpine Gëzim Spahiun.

Gëzim Spahiu meriton të ekspozohet para publikut si një nga heronjtë e vërtetë të luftës kundër krimit dhe korrupsionit brenda organit të akuzës, si shembull dhe shpresë.

Ai është një SPAK brenda Prokurorisë së Shkodrës.

Check Also

Rezoluta anti-korrupsion në Kuvend/ Deputetët e opozitës i bien tavolinave kur flet Rama (Video)

Ka nisur seanca plenare në Kuvend për miratimin e projektit-rezoluta anti-korrupsion e propozuar nga PS …

Leave a Reply

Your email address will not be published. Required fields are marked *