FOTO/ Shqipëria rrëshket në FIFA, Kosova ngjitet, Argjentina blindon kreun
Fitorja me Andorrën dhe humbja ndaj Anglisë ka ndikuar negativisht në renditjen e FIFA-s për kombëtaren shqiptare.
Bilanci i muajit mars është reflektuar me zbritje me një pozicion për kuqezinjtë, që tashmë gjenden në vendin e 66-të në Botë. Skuadra e teknikut Sylvinho humbet një vend, pasi ka fituar vetëm 0.38 pikë në dy ndeshjet e marsit, ato kualifikuese të Kupës së Botës 2026. Shqipëria u mund 2 – 0 nga Anglia në Londër dhe fitoi 3 – 0 me Andorrën në Tiranë. Një rekord tjetër për Kosovën që është e 97-ta.
Renditja e mëparshme ishte 2 vende më poshtë. Dardanët fituan të dy takimet e play off të Ligës së Kombeve me Islandën, duke u ngjitur në Divizionin B. Kosova është pjesë e klasifikimit të FIFA-s prej Majit të 2016, koha kur u pranua me të drejta të plota.
E para në këtë renditje prej 1 viti është Argjentina, e ndjekur Spanja e Franca. Serbia e cila është edhe kundërshtari i radhës për Shqipërisë ka fituar një pozicion dhe tani gjendet e 31 në Botë. Ndërkaq, Anglia blindon pozitat në vendin e katërt.
