Personazhit të njohur të botës së krimit, Safet Bajrit, iu vendos gjobë dhe i është bllokuar automjetit tip “Mercedes Benz”.
Sipas policisë Bajri lëvizte prej kohësh me mjet të blinduar dhe nuk ishte i pajisur me autorizim të lëshuar nga organi kompetent.
Njoftimi i Policisë:
Shkodër-Shërbimet e Policisë, gjatë zbatimit të planit të masave për parandalimin e kriminalitetit dhe për goditjen e paligjshmërive, në qytetin e Shkodrës, shoqëruan në ambientet e DVP Shkodër, një automjet të blinduar.
Pas verifikimeve rezultoi se drejtuesi i automjetit, shtetasi S. B. alias S. R., banues në fshatin Dobraç, Shkodër, qarkullonte i papajisur me autorizim të lëshuar nga organi kompetent.
Drejtuesit të automjetit iu vendos masë administrative, konform Kodit Rrugor, si dhe u zbatua masa plotësuese për bllokimin e automjetit tip “Mercedes Benz” dhe do nisin procedurat e konfiskimit.
