Fitorja e presidencës së Donald Trump ka gëzuar jo pak miliarderët amerikanë të teknologjisë së lartë.
Sipas Indeksit të Miliarderëve të Bloomberg, 10 personat me pasurinë më të lartë në botë fituan gati 64 miliardë dollarë , rritja më e madhe që nga fillimi i indeksit në vitin 2012. Elon Musk , personi më i pasur në planet, shënoi rritjen më të madhe me një shtesë prej 26.5 miliardë dollarësh, për pasurinë e tij, e cila tani është 290 miliardë.
Përfitues të tjerë ishin Bezos, themeluesi i Amazon dhe personi i dytë më i pasur në botë, i cili i shtoi 7 miliardë dollarë pasurisë së tij prej afro 230 miliardë dollarësh dhe Larry Ellison, president i kompanisë softuerike Oracle, historikisht një mbështetës republikan, i cili e rriti pasurinë e tij me 9 miliardë dollar, në 193 miliardë dollarë.
Anëtarë të tjerë të dhjetëshes së parë, pasuria e të cilëve u rrit, përfshijnë bashkëthemeluesin e Microsoft, Bill Gates, ish-CEO i Microsoft, Steve Ballmer, dhe bashkëthemeluesit e Google, Larry Page.