EVERTON GJEN PASUESIN E LAMPARD
Pas refuzimit të Marcelo Bielsa dhe tratativave të dështuara me disa të tjerë, Everton ka gjetur trajnerin e fazës së dytë. Skuadra nga Liverpool ka emëruar në këtë post, Sean Dyche . 51-vjeçari ka rënë dakord për ta drejtuar skuadrën nga Goodinson Park për dy vite e gjysëm, me kontratën që i skadon në qershor të vitit 2025.
“Është një nder të bëhem trajner i Evertonit. Stafi im dhe unë jemi të gatshëm dhe të etur për të ndihmuar që ky klub i madh të kthehet në rrugën e duhur,” ishin fjalët e parë të Dyche si trajner i Everton.
Në këtë post, ish-trajneri i Burnley do të pasojë Frank Lampard. Everton po kalon një moment negativ duke notuar në ujëra të turbullta në zonën e rënies nga kategoria. Lampard u shkarkua nga klubi javën e shkuar, pas një serie prej 9 humbjeve në 12 ndeshje të Premier League angleze. Pikërisht ky është misioni i Dyche, për të shmangur rënies dhe ngjitur në tabelën e renditjes.