EMRI/ Kërkohej në Austri si pjesëtar i organizateve kriminale, kapet në Greqi shqiptari
Një 30-vjeçar shqiptar u arrestua nga policia greke, pasi ishte shpallur në kërkim nga autoritetet austriake.
Aredjo Buzi nga Fieri, është ndaluar nga policia greke në rrugën “28 Tetori” në Janinë.
Ai rezulton person i shpallur në kërkim me urdhër europian arresti nga Austria, prej 07.04.2017.
Buzi akuzohet për veprat penale “pjesëmarrje në organizatë kriminale” dhe “pastrim i produkteve të veprës penale”, të cilat sipas Kodit Penal të Austrisë dënohen me burgim deri në 3 vjet.
Për 30 vjecarin Aredjo Buzi, autoritetet greke kanë nisur procedurat e ekstradimit të tij drejt Austrisë.