EMRI/ I dënuar me mbi 4 vite burg në Itali, arrestohet 45-vjeçari shqiptar me 3 akuza
Finalizohet nga Drejtoria e Forcës së Posaçme Operacionale, operacioni policor i koduar “Operacionalja 32”.
Në pranga ra Daniel Korali, me 45-vjeçarin që ishte në kërkim ndërkombētar nga drejtësia italiane për kanosje, zhvatje dhe armëmbajtje pa leje.
Ai ishte dënuar me 4 vite e 3 muaj, teksa pritet ekstradimi i tij drejt Italisë.
NJOFTIMI I POLICISË:
Në vijim të bashkëpunimit të ngushtë me partnerët italianë, me objektiv nxjerrjen përpara drejtësisë, të shtetasve të kërkuar ndërkombëtarisht, për vepra penale të ndryshme, shërbimet e Drejtorisë së Forcës së Posaçme Operacionale në DPPSh finalizuan operacionin policor të koduar “Operacionalja 32”.
Gjatë operacionit, u lokalizua në Tiranë dhe u arrestua provizorisht, me qëllim ekstradimin në Itali, shtetasi Daniel Korali, 45 vjeç, i lindur në Tiranë.
Ai ishte shpallur në kërkim ndërkombëtar, sepse Gjykata e Mesinas, Itali, e ka dënuar në vitin 2024, me 4 vjet e 3 muaj burgim, për kanosje, zhvatje dhe posedim të kundërligjshëm të armëve të ftohta.
Interpol Tirana po bashkëpunon me homologët, për të finalizuar procedurën për ekstradimin e shtetasit Daniel Korali, në Itali.