Emrat/ Mbanin armë dhe municion luftarak, arrestohen dy persona në Elbasan
Policia e Elbasanit ka arrestuar dy persona janë në kuadër të procedimi penal, i nisur në vitin 2024.
Bëhet fjalë për shtetasit Denis Hasalla 36 vjeç dhe Bledar Çullhaj 35 vjeç.
Gjatë kontrollit në banesën e tyre u gjet një armë e ftohtë dhe një sasi municioni luftarak.
Grupi hetimor vijon punën për zbardhjen e rrethanave të ngjarjes.
Njoftimi:
Elbasan
Strukturat për Hetimin e Krimeve të Drejtorisë Vendore të Policisë Elbasan ekzekutuan vendimin e Gjykatës së Shkallës së Parë të Juridiksionit të Përgjithshëm Elbasan, për lejimin e kontrollit në disa banesa, në kuadër të një procedimi penal të vitit 2024.
Në vijim të veprimeve u bë arrestimi i shtetasve:
-B. Ç., 36 vjeç, pasi gjatë kontrollit në banesën e tij u gjet një armë e ftohtë;
-D. H., 35 vjeç, pasi gjatë kontrollit në banesën e tij u gjet një sasi municioni luftarak.
Materialet procedurale do t’i kalojnë Prokurorisë, për veprime të mëtejshme.