E mashtroi për vizë angleze duke i marrë 3 mijë euro, arrestohet në Durrës Leonard Allushi
Leonard Allushi ka përfunduar në prangat e policisë së Durrësit.
Përmes mashtrimit se do t’i siguronte vizë angleze një shtetase, 34-vjeçari ka përfituar shifrën e 3000 eurove.
Policia ka sekuestruar shumën e marrë nga Allushi, një automjet dhe një celular.
NJOFTIMI I POLICISE:
I mori 3000 euro një shtetaseje, duke e mashtruar se do t’i siguronte vizë angleze, kapet dhe vihet në pranga 34-vjeçari.
Sekuestrohen shuma 3000 euro, një automjet dhe një celular.
Specialistët për Hetimin e Krimeve të Komisariatit të Policisë Durrës kanë ndaluar shtetasin L. A., 34 vjeç, banues në Tiranë, i cili ishte shpallur në kërkim, pasi më datë 21.10.2024, ka kallëzuar një shtetase 25 vjeçe se në muajin shtator, 34-vjeçari i ka marrë 3000 euro, duke e mashtruar se do t’i siguronte vizë angleze.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme, për veprën penale “Mashtrimi”.