Dritan Dajti i drejtohet sërish Gjykatës së Elbasanit/ Kërkon lirimin nga burgu
Dritan Dajti i është drejtuar edhe njëherë Gjykatës së Elbasanit, ku kërkon lirimin e tij nga burgu. Dajti përmes dy avokatëve pretendon se po mbahet me të padrejtë në burgun e Peqinit, pasi i ka mbaruar afati i burgimit prej 25 vjetësh të cilën e ka kryer. Dajti vuan dënimin për vrasjen e 4 efektivëve të policisë në vitin 2009, në Durrës.
‘Nisur nga argumentet, objeksionet dhe observimet e parashtruara, si dhe ne respekt e zbatim te Nenit 28/4 te Kushtetutes dhe Nenit 480 te K.Pr.Penale, ku respektivisht thuhet. Në të gjitha rastet e tjera, personi, të cilit i hiqet liria në rrugë jashtëgjyqësore, mund t’i drejtohet në çdo kohë gjyqtarit, i cili vendos brenda 48 orëve për ligjshmërinë e kësaj mase; Në fazën e ekzekutimit, gjykata është kompetente të vendosë për shuarjen e veprës penale pas dënimit, për shuarjen e dënimit, për dënimet plotësuese, për konfiskimin ose kthimin e sendeve të sekuestruara, si dhe për çdo rast të parashikuar me ligj; Kur vërtetohet shuarja e veprës penale ose të dënimit, gjykata e deklaron këtë edhe kryesisht, duke marrë masat përkatëse;
K e r k o j m e :
Pranimin e kerkeses.
- Konstatimi i heqjes se lirise me burgim ne rruge jashtegjyqesore dhe marrja e vendimit brenda 48 oreve per ligjshmerine e kesaj mase te marre nga I.E.V.P. Peqin ndaj shtetasit Dritan Dajti.
- Deklarimin kryesisht te shuarjes se denimit me 25 vjet burgim, te shtetasit Dritan Dajti.
- Lirimin e menjehershem te shtetasit Dritan Dajti.
Peqin me 19 Gusht 2024.
Me Konsiderate
Dritan DAJTI
Av.Alban QAFA
Av.Alban KAPXHIU’, thuhet në kërkesën e avokatëve të Dritan Dajtit.