Drejtimi i BKH-së, kandidatët kualifikohen për fazën tjetër – ja data kur duhet të paraqiten në SPAK
Gara për postin e Drejtorit të Byrosë Kombëtare të Hetimit (BKH) ka hyrë në një fazë të re. Prokuroria e Posaçme (SPAK) ka njoftuar se shtatë kandidatët e kualifikuar duhet të paraqiten më 22 korrik, ora 09:00, në ambientet qendrore të SPAK për të vijuar fazën e testimit me ese.
Fillimisht për këtë pozicion aplikuan 13 kandidatë, por pas verifikimeve të fazës së parë, 6 prej tyre janë skualifikuar, ndërsa vetëm 7 kanë kaluar në raundin tjetër të konkurrimit.
Kandidatët e kualifikuar janë:
-Andi Pogaçe
-Artur Beu
-Elton Kërluku
-Gentian Ndoi
-Gentjan Shehaj
-Gledis Nano
-Joni Keta
Të skualifikuarit janë:
-Astrit Halilaj
-Haki Çako
-Maoricio Sheldija
-Marinela Pilinçi
-Miklovan Kanani
-Nevrus Ndregjoni
Procesi i përzgjedhjes bazohet në nenin 148/dh të Kushtetutës dhe në ligjin për organizimin e institucioneve kundër korrupsionit dhe krimit të organizuar. Pas testimit me ese, kandidatët do t’i nënshtrohen edhe vlerësimeve të mëtejshme profesionale dhe analizës së integritetit.