Dogji me benzinë ish-bashkëshorten në Korçë, arrestohet Bledar Trëndafili
Pas 1 muaj kërkime, kapet Bledar Trëndafili, i cili dogji me benzinë ish-bashkëshorten e tij Melisën.Mësohet se autori u kap në qytetin e Korçës, ndërsa prej 1 muaji iu fsheh policisë pas kryerjes së aktit të rëndë.
Ngjarja ndodhi pasditen e datës 31 Gusht, në lagjen 2 të qytetit, ku i hodhi benzinë ish-bashkëshortes dhe i vuri flakën.Prej asaj dite, policia ka patur kontakte me familjarë e të njohur, ndërsa kërkimet u shtrinë edhe në kryeqytet, por ai u kap pak minuta më parë në Korçë.
Ndërkohë, ish-bashkëshortja e tij mbeti e plagosur nga ngjarja e rëndë. Sipas policisë, autori ka qëndruar i fshehur në zona të ndryshme të qarkut, ndërsa sot është kthyer në lagjen nr.4, atje ku u kap menjëherë nga forcat e policisë. Mësohet se deri më tani nuk ka deklaruar asgjë para uniformave blu.