Dita e Ashures, Baba Mondi mesazh besimtarëve bektashinj: Garoni për vepra të mira dhe ruani njerëzimin

Kryegjyshi Botëror Haxhi Dede Baba Edmond Brahimaj, i njohur si Baba Mondi, përcolli një mesazh të fuqishëm urimi për besimtarët bektashinj në Ditën e Ashures. Ai i ftoi të gjithë të garojnë për vepra të mira dhe të ruajnë njerëzimin, familjet dhe vlerat shpirtërore.

“Garoni për vepra të mira, dhe nxitoni të shfrytëzoni mundësi për vepra të mira. Në këtë ditë të shënuar, detyra jonë është të ruajmë njerëzimin, vlerat, familjen, virtytet, mirëqenien shpirtërore dhe mendore,” u shpreh Baba Mondi.

Në mesazhin e tij, ai u lut për paqe në botë, duke bërë thirrje për ndalimin e konflikteve dhe luftërave që përhapen në shumë vende. “Përpjekjet për liri, paqe, demokraci janë detyra tona sot, por mbi të gjitha të udhëheqësve tanë në botë për paqe. Lutemi që njerëzimi të gjej paqe, mirësi, të pushohen konfliktet dhe luftëra dhe të ecim drejt zhvillimit të demokracisë,” tha ai.

Baba Mondi: Është një ditë e veçantë për të gjithë bektashinjtë në të gjithë botën. Kuptim dhe domethënia e kësaj ëmbëlsire të përbotshme që shtëpia e çdo besimtari bektashi e bekon. Profeti na tregon që Muharremi është një muaj i shenjtë dhe si tillë, mëkatet e kryera gjatë Muharremit peshojnë shumë rëndë dhe veprat e mira shpërblehen më bujarisht.

Ai na inkurajoj të agjërojmë gjatë Muharremit, nderojmë sakrificën e Imam Hysenit i cili la për drejtësi në përpjekje për të përhapur rrugë drejt së vërtetës, demokracisë. Çdo burim uji, bimësi e gjithçka tjetër që ka krijuar zoti është e shenjtë, mos e shpërdoro ujin edhe nëse je pranë një përroi që rrjedh.

Për Imam Hysenin vdekja ishte lumturi në krahasim me të jetuarit në tirani. Përpjekjet për liri, paqe, demokraci janë detyra tonat sot, por mbi të gjitha të udhëheqësve tanë në botë për paqe. Lutemi që njerëzimi të gjej paqe, mirësi, të pushohen konfliktet dhe luftëra dhe të ecim drejt zhvillimit të demokracisë. Sytë tanë duhet të drejtohen drejt lutjeve ndaj zotit.

Personi bujar është ai që ndihmon të dëshpëruarit dhe nuk pret ndihmë nga të tjerët. Garoni për vepra të mira, dhe nxitoni të shfrytëzoni mundësi për vepra të mira. Në këtë ditë të shënuar, detyra jonë është të ruajmë njerëzimin, vlerat, familjen, virtytet, mirëqenien shpirtërore dhe mendore.