Detaje/ Shtëpia e “blinduar” me kamera. Si i monitoronte 35-vjeçari ekonomist vajzën, gruan dhe nënën. E shoqja tentoi vetëvrasjen
Detaje të reja janë zbuluar nga ngjarja e rëndë në Tiranë, ku 35-vjeçari Jetnor Zhaboli me profesion ekonomist dhunonte fizikisht dhe psikologjikisht gruan, vajzën e mitur dhe nënën e tij, të cilët i mbante të mbyllur në banesë.
35-vjeçari kishte instaluar kamera në të gjithë banesën, edhe në dhomën e gjumit dhe në tualet.
Kur vetë dilte nga banesa ai i monitoronte nga celulari. Akoma edhe më rëndë, 35-vjeçari kishte montuar bllokues valësh që familjaret të mos përdornin celularët dhe të mos bënin telefonata.
Burime policore bëjnë me dije se bashkëshortja e tij kishte tentuar vetëvrasjen. Në banesën e 35 vjeçarit, policia gjeti dy letra që gruaja kishte shkruar për familjarët e saj.
Bashkëshortja për shkak të stresit që po kalonte dhe dhunës nga bashkëshorti i cili ishte xheloz, në letra u jepte lamtumirën familjarëve dhe u kërkonte falje.