Replika Lajme
Related Articles
Një tjetër dron është pikasur teksa fluturonte mbi burgun e Peqinit! Alarmi për dronin mbi institucionin e vuajtjes së dënimit është dhënë mbrëmjen e sotme. Për shkak të alarmit për mjetin fluturues, i gjithë institucioni po monitorohet dhe po kryen kontrolle nga forcat speciale.
Droni nuk ka shkuar “bosh” në Peqin, por ka hedhur në perimetrin e burgut 4 pako me telefonë, 8 karikues dhe disa doza me drogë (31 doza kokainë, 200 gramë kanabisi). Por, vetë droni nuk është mundur që të kapet nga punonjësit e burgut. Po ashtu, hetimet kanë nisur për të mësuar se për kë janë sendet e hedhura në perimetrin e burgut.
Ky është droni i dytë brenda pak ditësh pas atij që u pikas mbi burgun e sigurisë së lartë në Burrel. Fillimisht u raportua se droni kishte fluturuar mbi burg aksidenalisht, por më pas u vendos në pranga Taulant Ahmetsulaj.
