Sammy Miri, kreu i klanit të rrezikshëm “Miri”, është paraqitur në gjyq në Gjermani nën masa të rrepta sigurie. 38-vjeçari u shoqërua nga forcat speciale dhe mjete të blinduara, ndërsa iu vendosën kufje dhe iu mbuluan sytë.
Miri akuzohet për trafik të sasive të mëdha të kokainës, akuzë të cilën ai e ka pranuar, por është shprehur se e ka bërë për shkak të presioneve nga një bandë shqiptarësh. Sipas tij, shqiptarët i kishin kërkuar të shlyente borxhin e vëllait të tij duke blerë drogë prej tyre dhe duke e shitur për llogari të bandës.
Ndërkohë, vëllai i tij është dënuar me 14 vite burg, ndërsa edhe vetë Sammy Miri rrezikon një dënim të gjatë. Vendimi për të pritet të jepet në mars të këtij viti.
Regjistrohu në buletinin tonë informativ