Beyoncé dhe Adidas ndërpresin bashkëpunimin mes tyre
Këngëtarja Beyoncé dhe Adidas kanë ndërprerë bashkëpunimin mes tyre. Beyonce dhe Adidas filluan bashkëpunimin e tyre në vitin 2018, vit kur edhe marka e njohur mori përsipër prodhimin e veshjeve Ivy Park.
Linja e veshjeve sportive u ideua nga këngëtarja e njohur e cila zgjodhi ti vendoste markës emrin e vajzës së saj. Gazeta amerikane Uoll Strit Xhërnëll nënvizoi edhe faktin se artsitja e njohur dhe marka luksoze kishin vizione të ndryshme sa i përket bashkëpunimit.Mediat e huaja shkruajnë se artistja është e lumtur për këtë vendim pasi do të ketë më liri në vendimet që do të marrë për linjën e saj të veshjeve sportive.
Përvec kësaj linja e veshjeve Ivy Park, solli për vitin 2022 vetëm 40 milionë dollarë shumë më pak nga cfarë kishte parashikuar kompania Adidas.Ndërkohë, artsitja do të nisë turneun e saj botëror në maj ku do të ndalet në disa qytete evropiane. Muajin e kaluar, Beyoncé bëri histori duke u bërë artistja më e vlerësuar në historinë e Grammy.