Nuk është ajo që mendoni! Të martuarit kanë një “shpirt” më të ri, e këtu do të zbuloni arsyen.
Burrat e martuar janë më të lumtur
Një studim i botuar në revistën Nature Human Behavior zbulon se statusi martesor ka një efekt të rëndësishëm në gjasat e zhvillimit të simptomave depresive. Studiuesit nga Universiteti Politeknik i Makaos zbulojnë se beqarët kanë deri në 80% më shumë gjasa të përjetojnë simptoma depresive sesa të martuarit.
Studiuesit nga Universiteti i Kalifornisë pohojnë se një martesë e lumtur është “ilaçi” më efektiv kundër stresit. Sipas gjetjeve të tyre, sa më i kënaqur të jetë dikush me jetën e tij personale, aq më të ulëta janë nivelet e kortizolit në trupin e tyre, hormoni që lidhet me stresin dhe një rritje të presionit të gjakut.
Janë më të shëndetshëm sepse…
Një studim i Universitetit të Kolumbisë dhe Shkollës së Mjekësisë të Universitetit të qytetit të Nju Jorkut tregon se të martuarit jetojnë mesatarisht 2 vjet më shumë se beqarët.
Përveç kësaj, hulumtimi i kryer nga Aston Medical School në Birmingham të Britanisë së Madhe zbulon se të martuarit kanë një rrezik më të ulët të vdekjes nga faktorët që lidhen me sëmundjet kardiovaskulare, si hipertensioni, kolesteroli i lartë dhe diabeti i tipit 2.
Shkencëtarët besojnë se kjo është për shkak të faktit se në martesë partnerët i ofrojnë njëri-tjetrit kujdes dhe mbështetje.
Si rezultat, ata kanë më shumë gjasa t’i përmbahen mjekimeve të tyre, të hanë një dietë më të shëndetshme dhe të ushtrojnë më shpesh.