Ben Affleck ka komentuar rolin e ish-bashkëshortes së tij, Jennifer Lopez në filmin Unstoppable, të cilin ai po prodhon. Aktori dha një intervistë për Entertainment Tonight së bashku me Matt Damon dhe Cillian Murphy, të cilët gjithashtu ishin producentë. Affleck tha se Lopez ka bërë një punë të shkëlqyer.
“Jennifer Lopez është e mrekullueshme”, tha Affleck.
The Unstoppable me regji të William Goldenberg do të dalë në kinema më 6 dhjetor dhe kasti përfshin Jennifer Lopez, Jarel Jerome, Bobby Cannavale, Michael Peña dhe Don Cheadle.
Në “Unstoppable”, Jerome luan rolin e një mundësi amator në Universitetin Shtetëror të Arizonës, Anthony Robles, i cili ka lindur me një këmbë.
“Goldenberg, Jennifer, Don Cheadle, Jarrell dhe Bobby Cannavale, të gjithë ishin vërtet të mrekulluëshëm dhe dhanë gjithçka për këtë film”, tha aktori.
Lopez u ribashkua me Affleck në maj 2021 dhe njoftoi fejesën e tyre në prill 2022. Ata u martuan në korrik të atij viti. Çifti festoi martesën e tyre për herë të dytë në gusht 2022 gjatë një ceremonie martesore luksoze në Gjeorgji. Festimet u mbajtën në ambjentet e kompleksit prej 87 hektarësh të Affleck në periferi të Savanna. Lopez bëri kërkesë për divorc në përvjetorin e dytë të ceremonisë së tyre të martesës.