BE tjetër fond për Ukrainën, SHBA shumë pranë marrëveshjes së fundit të luftës
Presidentja e Komisionit Evropian Ursula von der Leyen njoftoi nga Kievi një lëvrim të ri ndihme, në vlerën 3.5 miliardë euro, ndërsa theksoi se presidenti rus Vladimir Putin është i vendosur të detyrojë Ukrainën të kapitullojë.
“Putini po përpiqet më shumë se kurrë për ta fituar këtë luftë në terren. Objektivi i tij mbetet kapitullimi i Ukrainës. Dhe pastaj ne e dimë se çfarë mund të ndodhë më pas. Sepse tashmë ka ndodhur përsëri. Nuk është vetëm fati i Ukrainës që është në rrezik. Është gjithashtu fati i Evropës”, tha Ursula von der Leyen, duke folur në samitin në Kiev, me rastin e tre vjetorit të pushtimit rus.
Kyiv dhe SHBA janë afër një marrëveshjeje për tokat e rralla
Në të njëjtën kohë, Ukraina dhe SHBA janë në fazën përfundimtare të negociatave për një marrëveshje që do t’i japë Uashingtonit akses në mineralet e Ukrainës. Këtë e ka bërë të ditur sot qeveria ukrainase, duke iu referuar kësaj çështjeje, e cila ishte në qendër të tensioneve mes dy palëve.
Kievi dhe Uashingtoni po negociojnë qasjen e SHBA në pasurinë minerale të Ukrainës në këmbim të mbrojtjes.
Presidenti ukrainas Volodymyr Zelensky ka thënë se çdo marrëveshje e tillë duhet të përfshijë garanci specifike të sigurisë.
Ekipet ukrainase dhe amerikane janë në fazën përfundimtare të negociatave në lidhje me marrëveshjen për mineralet, tha zëvendëskryeministrja ukrainase Olha Stefanysyna në një postim në platformën e mediave sociale “X”.
Negociatat ishin shumë konstruktive, me pothuajse të gjitha detajet e rëndësishme të finalizuara, siguroi ai.