“Bashkë Fitojmë” ende pa numërues, Rrogozhina mbetet pas me numërimin
Në disa prej bashkive të vendit, ka nisur procesi i numërimit të votave. Por ndryshe paraqitet situata në Rrogozhinë pasi koalicioni ‘Bashkë Fitojmë’ nuk ka dërguar ende numëruesit.
Sikurse ishte njoftuar, në orën 23:00 duhet të niste procesi i numërimit të votave, por mungesa e numëruesve e ka bërë të pamundur mbarëvajtjen e procesit.
Tani në 58 bashkitë e tjerapo bëhen gati kutitë për të nisur numërimi i fletëve të votimit një më një. Të gjitha kutitë e votimit në rreth 5000 qendra votimi tashmë pothuajse kanë mbërritur në 88 KZAZ-të. Aktualisht votimi ka nisur vetëm në Memaliaj dhe në Pustec. Pritet që pas mesnate të nisë numërimi edhe në të gjithë KZAZ-të e tjera në të gjithë vendin.