“Bari ka mbuluar varrezat” – Rama kritika kryebashkiakut të Elbasanit: Duhet të të lënë pa gjumë ty…
Kryeministri Edi Rama ka shpërthyer në kritika ndaj kryebashkiakut të Elbasanit për gjendjen e mjerueshme të varrezave dhe mungesën e performancës së administratës lokale.
Gjatë takimit me drejtuesit vendorë në Durrës, Rama u shpreh se në Bashkinë Elbasan dhe atë të Lushnjës duhet të ndërmerren masa drastike, ashtu si në rastin e Vlorës, ku drejtuesit lokalë u shkarkuan në masë pas dorëheqjeve të detyruara.
Rama: Gatishmëria e qeverisë për njerëzit të mos trajtohet si bari varrezave të Elbasanit, i cili ka potencialin të behet kallam dhe të bëhen varrezat si kallamishte. Një lloj bari që aq shumë është lënë pa u preku, që jo vetëm rritet, por qe synon të bëhet kallam.
Mund ta pëshkosh në këmbë çdo ditë cep për cep, te mos dijë kryetari se çfarë ndodh? Të mos jetë i informuar për çdo tullë që vihet në qytet, është e pamundur nëse i ka sytë hapur dhe i rri mbi kokë gjerat.
Patjetër nëse kryetari i ka sytë gjysme hapur dhe gjysmë mbyllur, ata që janë nënë të i kanë të mbyllur, siç i kishin në Bashkinë e Vlorës.
Edhe në Bashkinë e Elbasanit edhe në atë të Lushnjës duhet bërë e njëjta gjë si në Bashkitë e tjera që deri tani është bërë pezullimi i plotë, shkarkimi i drejtorëve me dorëheqje, për t’u dhënë mundësi të tjerëve të tregojnë që janë të duhur për atë pozicion. Duhet shkundur e gjithë kjo pemë, se 10 mandate në Elbasan janë një barrë, bashkë më të Fierit dhe Vlorës, më ka marrë edhe ato orë që flija gjumë. Duhet të të lëmë pa gjumë ty, jo të flesh më shumë.