Avokati Gjokutaj takim kokë më kokë me Metën: Rrëmbim banditesk, çështja ka 5 vjet në duart e prokurorëve
Avokati i Presidentit të PL, Ilir Meta, Genc Gjokutaj ka folur pas takimit me të në Drejtorinë e Policisë Tiranë.
Gjokutaj e quajti rrëmbim dhe tha se kjo çështje ka 5 vjet që është në duart e prokurorëve.
Sipas tij, janë tre akuza: korrupsion, pastrim i produkteve dhe mosdeklarim i pasurisë.
“Isha në takim me zotin Meta. Ai ka mbërritur këtu pas një rrëmbimi banditesk që i është bërë në rrugë me një sjellje tejet jo ligjore. E gjithë kjo histori ndodh me një person i cili ka qenë disa herë në SPAK dhe ka dhënë disa herë shpjegime. Kjo çështje ka 5 vjet që është në duart e prokurorëve. Është momenti politik. Qëndrimi i tij është krejt i qartë. I vendosur të përballet me procesin. Çdo gjë në këtë vendim, e ka marrë kohë përpara dhe është gati të përballet. Ankimimi i masës së sigurisë është akt procedural. Do të verifikohet njëherë ekzekutimi i vendimit. Janë tre akuza, korrupsion, pastrim i produkteve dhe mosdeklarim i pasurisë. Kryemadhi nën hetim. Ishte një takim si çdoherë tjetër vetëm në një ambient ndryshe. Mënyra se si është arrestuar është banditeske, rrëmbyer në rrugë ish-presidenti”, tha Gjokutaj.