Atentat si në filma!/ Përdorën tre kallashnikovë dhe qëlluan me mbi 30 plumba, të plagosurit kanë marrë ….
Të paktën 30 plumba janë qëlluar në vendin e atentatit në fshatin Grudë e Re në Shkodër, ku mbetën të plagosur një student i Akademisë së Policisë, shtetasi Gjergj Ndërshtiqaj dhe kunati i tij, Gjon Nika, ndërsa shënjestër dyshohet të jetë ky i fundit.
Pavarësisht breshërisë së plumbave, të plagosurit kanë marrë nga dy plagë secili dhe fatmirësisht janë jashtë rrezikut për jetën në Spitalin e Shkodrës.Në momentin kur autorët e dyshuar kanë nisur që të qëllojnë, dy të plagosurit kanë dalë menjëherë nga automjeti dhe kanë nisur të vrapojnë në tokat afër vendit të ngjarjes duke arritur që të shpëtojnë. Autorët dyshohet se kanë djegur dy automjete ndërsa mendohet se janë përdorur tre automatikë kallashnikov.