“Asanin do e merrja shofer, Hysaj meriton më shumë”, ish-banorja e BBV komenton çunat e Kombëtares
E ftuar në një intervistë televizive ish banorja e “Big Brother VIP Kosova”, Juliana Nura, ka komentuar futbollistët e Kombëtares Shqiptare. Teksa u pyet se çfarë mendon për pamjen e kampionëve shqiptar, Nura ka dhënë nga një koment për secilin duke u fokusuar vetëm në pamjen fizike dhe jo në lojën e tyre.
Jo për aftësitë e tyre në fushën e lojës, por për pamjen fizike. “Nga çun mamaje deri te shofer personal”, komentet e ish-banores kanë shkaktuar të qeshura në studio.
“Shpresoj që çunat e Kombëtares të mos e marrin shumë seriozisht këtë dhe e them që i dua të gjithë dhe do jem me ju deri në pikën e fundit ashtu siç jeni, do jem me Kombëtaren tone”, ka theksuar Juliana, ndërsa vazhdon duke komentuar futbollistët.
Ajeti është një çun tepër i mirë, Broja mendon se është një yll. Sa i takon Ismajlit, ajo thekson se nuk do t’i kishte folur në rrugë po ta ngacmonte, ndërsa për Bajramin mendon se është çun mamaje.
Pamja e kapitenit, Berat Gjimshiti e tremb ish-banores, ndërsa si lojtar ka fjalët më të mira për të. Ashtu si Broja edhe Ramadani dhe Berisha janë yje sipas saj, teksa Mitaj është “loçkë” së bashku me Seferin.
Asllani sipas saj është nanush, ndërsa Strakosha dy metra çun. Jasir Asanin do ta merrte si shofer, ndërsa Hysaj sipas saj është një çun shumë i mirë dhe nuk i meriton kritikat për incidentin në sfidën me Italinë.