“Arsenal lufte në zemër të Tiranës! 41-vjeçari kapet me armë zjarri, emblema policie dhe municion
Një operacion i koduar “The Holder” është finalizuar me sukses nga Komisariati i Policisë Nr. 4 në Tiranë, duke çuar në pranga një 41-vjeçar që posedonte një arsenal armësh dhe pajisje të ndaluara.
I arrestuari është shtetasi S. A., 41 vjeç, banues në Tiranë. Ai u ndalua nga policia në Rrugën e Dibrës, ku gjatë kontrollit të automjetit të tij iu gjet dhe sekuestrua një armë e ftohtë (thikë).
Kontrolli më pas u zhvendos në banesën e tij, ku u gjetën dhe sekuestruan:
- 2 armë zjarri (një pistoletë dhe një pushkë)
- 1 armë sportive
- 1 armë e ftohtë
- Municion luftarak
- Emblema policie
Operacioni u zhvillua mbi bazën e inteligjencës policore, me qëllim goditjen e veprimtarive të paligjshme që lidhen me armëmbajtjen pa leje dhe mashtrimin me simbole zyrtare.
Materialet procedurale në ngarkim të 41-vjeçarit iu referuan Prokurorisë pranë Gjykatës së Rrethit Gjyqësor Tiranë, për veprime të mëtejshme ligjore.