Arrestohen pesë shqiptarë në Gjermani, sekuestrohen kokainë, para dhe makina luksoze
Pesë shqiptarë dhe një shtetas nga Kosova janë arrestuar në Gjermani gjatë një operacioni anti-drogë të udhëhequr nga Departamenti i Hetimeve Kriminale të Ingolstadit.
Policia, e mbështetur nga forca speciale nga Mynihu dhe rajone të tjera, ka ndërhyrë në një banesë, ku ka sekuestruar rreth 3.1 kilogramë kokainë, 15 mijë euro para cash dhe mjete të tjera të përdorura për aktivitetin kriminal. Gjithashtu, hetuesit kanë konfiskuar një Mercedes AMG të ri dhe një Jaguar.
Prokuroria e Ingolstadit ka kërkuar urdhër-arrest për të gjashtë të dyshuarit, të moshës nga 25 deri në 41 vjeç, të cilët akuzohen për trafik të paligjshëm të kokainës. Autoritetet gjermane po vijojnë hetimet për të zbuluar rrjetin e plotë të trafikut të drogës.