Angelina Jolie , me sipërmarrje të re
Duket se divën e kinemasë Angelina Jolie do ta shohim në një tjetër dimension përvec aktrimit dhe punës humanitare. Sipas raportimeve, Angelina Jolie ka aplikuar për markën Atelier Jolie dhe ka në plan të lançojë një linjë veshjesh dhe bizhuterish.
Sigurisht, aktivizmi i Jolie do të luajë një rol edhe në markë, duke mbështetur modën e qëndrueshme, siç la të kuptohet në një intervistë ku foli për ndjenjën e saj të stilit.
“Unë investoj në pjesë cilësore dhe më pas i vesh ato deri në vdekje. Çizmet, një pallto e preferuar, një çantë e preferuar, nuk i ndryshoj shpesh gjërat, të shijojmë pjesët tona ‘vintage’, nëse i kemi ato, dhe të rizbulosh disa dyqane ‘vintage’ duket si rruga e duhur përpara”.
Jolie dhe fëmijët e saj bënë gjithashtu zgjedhje të qëndrueshme në tapetin e kuq, duke zgjedhur veshje nga garderoba ekzistuese e nënës së tyre për premierën e Eternals në 2021, ku vajza Zahara u shfaq e veshur me një fustan të argjendtë Elie Saab që Jolie veshi në Oscar 2014.
Jolie na ka dhuruar disa nga momentet më të mira të stilit, nga dukjet e ngjashme me tapetin e kuq të Brangelina, madje edhe pamjet e saj jashtë detyrës janë gjithmonë të lëmuara dhe luksoze.