Replika Lajme
Related Articles
Pas vendimit të KQZ-së për të mos pranuar regjistrimin e grupimit të Alibeajt në zgjedhjet lokale, këta të fundit kanë bërë sërish ankesë në KAS.
Mësohet se sot është hedhur shorti për caktimin e relatorit për ankimimin e grupit Alibeaj në KAS.
Rezultatet e shortit përcaktuan relator të kërkesës ankimore të depozituar nga PD, anëtarin e KAS Koli Bele.
Përfaqësuesi i Alibeajt, Indrit Sefa njoftoi depozitimin e ankimit në KAS.
“PDSH ankimon në KAS vendimin e Komisionerit Shtetëror të Zgjedhjeve, i cili vendosi politikisht të mos regjistrojë në shkelje të ligjit Partinë Demokratike të Shqipërisë, si subjekt zgjedhor në zgjedhjet vendoret të 14 majit”, thuhet në njoftim.
Ankimimi kërkon shfuqizimin e vendimit nr.172, datë 14.03.2023 të Komisionerit Shtetëror të Zgjedhjeve “Për shqyrtimin e kërkesës së “Partia Demokratike” për regjistrimin si subjekt zgjedhor për zgjedhjet për organet e qeverisë vendore të datës 14.05.2023”.
